الرئيسية
من طرف قصة شكا ماهي سواليف ومزوح..ليت القدر يومه كتبها محاها..هذا النصيب وماكتبلي على الوح..قصت عذابي تبكي الي قراها..
ماادري من وين ابدا قصتي او ماساتي عالعموم انا بنت عمري 20 سنه لي عيال عم انجذب لواحد منهم واسمه جراح وكبرت وكبر حبي له يمكن ماكان فيه جمال الشكل بس فيه جمال الروح وصلت لثالث ثانوي وبالعطله سافرنا وكان اهو وعيال عمي معنا بصراحه كانت احلى ايام عمري
**اقبلت مثل الي يبشر بمولود ..واقفيت مثل الي يعزى بغالي**
وصار وقت رجعتنا للكويت وبالطريق؟
**اعترف لك سالت البارح عليك .دمعتن في مفرق دروب السفر
مرت شهوور ماشفت جراح وصرت برابع ثانوي للمعلوميه الكويت عندهم رابع ثانوي
ومره من المرات وانا قاعده مع اخواني جابو طاريه وليتهم ماذكروه!
**كنت اتوقع حب الاطفال بيموت.. لين اكتشفت انه لها الحين ما مات..الحب الاول يحي بوسط تابوت.. يحيويبقى حافظ كل مافات**
ودي تعرفون غلطة عمري
أمتحانات لرابعه ثانوي كانت تبدا 13/6/2005والمفروض اني اتجهز لها وبشهر 4 كنت قاعده مع امي وخالاتي اه لو تدري امي انها بهالخبر اهدمت حياتي قالت جراح بيتزوج
ليتني مت قبل اسمع هالخبر
**جاني الخبر ياصاحبي واضلم الكون..قدام عيني ثم نطقت الشهاده عالعموم اقولها الف مليون مبروق من قلب شكا لك بعاده مبروك ولا يهمك سواليف وضنون من عاشق اهداك فرحة فؤاده
رحت واخذت رقمه من جوال اخوي ودقيت عليهعلى اني غلطانه وسكرت
جراح كان شاعر وانا عندي محاولات شعريه
وقامت بينا مسجات شعر كثيره وبدون مايعرف انا منو
منها""
جراح" اه ياحلو الخطا من يوم جتني هالرساله وانا ماني من رجال الخطا يمشي عليه
نوف" عزتي والله نهتني عن عشقن هذا حالهماني من الي تنخدع في كلامن رديا
نوف" انا بنت لو تجيب لي هارون وكل ماله..مارضا اني اسير في دروب كلها خطيه.بنت شيخفي مكانه ولا مثاله ..اخت رجالن جنبو عن درب المنقديه
جراح"مات الرشيد ومات قدام ماله. اصلي مامشى في درووب الخطيه
قررت نوف تقوله هي من
نوف جراح انا نوف بنت عمك واحبك من اربع سنين
ضليت اسولف معه كل يوم حتى في الامتحانات وقالي ليش ماقلتي قبل املك على غيرك
نوف مات الامل في داخلي والا شعوري ماتغير في يديه
جراح نوف انتي تدرين اني بتزوج من غيرك قالت ايه ادري وبكل اسى جراح طيب اذا تقدم لك احد بتوافقين عليه مستحيل اكون لغيرك ياجراح وبعدك مابي احد
الموهم قربت تطلع النتايج وقرب موعد زواج جراح
قالت خلاص انا انتهت حياتي النتيجه طلع وكانت ماتدخلها اي قسم في الجامعه
وقالت خلاص انسى نوف وحبها
قالها بتحضرين زواجي قالت اي بحظر وفصلت بذله لونها ابيض زي حقت العرووس كانها هي العروس
وقالت له هاذي الابيات!!
بحظر زفافك مثل باقي المعازيم ..لو كان في ليلة زفافك وفاتي
بحظر نهاية قصة الحب والضيم.. واكتب على جرح الهوا ذكرياتي
بحظر ولو في عرسك مماتي
قبل عرس جراح باسبوعين نوف راحت للخياط وقبل ماتروح كانت مستانسه وراحت نوف طبعا هي تسوق بس سواقتها الله بالخير قبل لا تروح نوف قالت لختها منال خذي مفتاح الكبت فيه اسرار نوف كلها خليه معك
وطلعت نوف رايحه للمشغل ولبست بذلتها كانت قمت الرووعه تجنن اخذتها وطلعت وهي راده للبيت تذكرت جراح وناظرت البذله على يمينها وقالت
الثوب جهزته والقلب ضايق ومجرووح بلبسه في ليلة زفافك حبيبي مسموح لو تطعن القلب مسموح بعدك جروحي مااظن تطيبي
ذرفت دموع حزن على فراق جراح وزادت بالسرعه اصطدمت بحاجز الاسمنت انقلبت السياره مرتين انقلو نوف للمستشفى حالتها خطيره اخذت يومين في العنايه المركزه وبعدين طلعت لاكن حالتها مره خطيره وجتها امها وقالت يمه ابي منال ضرووري ونادت لها منال
نوف منال ابي منك طلب بس يكون بيني وبينك قالت امري
نوف اذا صار فيني شي الكبت حقي افتحيه واقري الاسم الموجود فيه وعطيه الدفتر وقولي ان كل حرف في الدفتر انكتب فيك ياجراح
طلعت منال من الغرفه وهي عارفه انها بتفقد اختها الكبيرها
نوف بعد طول الساعات في يوم 14/8/2006 وافتها المنيه وارحلت وجرحها بقلبها بعده ماطاب رحلت واسم جراح بقلبها
هاذي قصة نوف اقروها وادعو لها تسكن الجنه لان عمرها ماغلطت على احد ولا ذلت احد والناس كلها تحبها
حيل الله اقوى يالعيون الشقيه وش في يدي غير السهر والقصايد .. اشوف حبي ميت في يديه ..واصوغ له بابيات شعري قلايد.. قالو توفت غافلتها المنيه.. والموت حق وخل نفسك قويه.. ياما بهالدنيا نشوف النكايد ماتت وذكرها على البال حيه.. وافراقها للقلب من غير نيه وانا اشهد ان فراق الاحباب كايد
اتمنى ان تنال على اعجابكم وانا اسف والله اختصرت منها لانها طويله
